January ni 26, 2016 (Thawhlehni) khan Prof. R.L. Thanmawia in, Ramhlun South, Aizawl-ah Mizo poetry phuahtu leh tui mi 22 zet kal khawmte chuan poetry society din dan tur an sawi ho va. Kal khawmte chuan ngun taka pawl hming tur an ngaihtuah hnuah ‘Mizo Poetry Society’ chu an pawm tlâng a. Thil tul hrang hrang lo buaipuia pawl lo hruai lawk turin heng a hnuaia mite hi Adhoc Office Bearer atan an ruat:
Chairman : Prof. R.L. Thanmawia, Ramhlun South
Vice Chairman : C. Vanhmingliana, Mission Veng
Secretary : H. Laldinmawia, Chanmari
Asst. Secretary : Lalzarzova, Chanmari
Treasurer : Jane Chhakchhuak, Ramhlun South
Fin. Secretary : Kawlliansawta Kawlni
Kal khawmte hian pawla tel duh tan membership fee Rs. 200 khawn an rel a, pawl constitution lo draft turin H. Laldinmawia an ruat nghal a. Pawl inhmuh khawm leh hun atan leh pawl din ni atan February ni 20, 2016 an ruat bawk. He ni hi Mizoram State Day a nih mai bakah Poet of the Century-a puan Pu Rokunga piancham vawi 100-na a ni a, amah hriat rengna ni pah fawmin hemi ni hi official-a pawl din cham atan an pawm a ni.
Tichuan, February ni 20, 2016 (Inrinni)-ah Aizawl Press Club, Treasury Square-ah Mizo Poetry Society chu lungrual taka din a lo ni ta a, hruaitu tur pawh mi 6 thlan chhuah an ni a, thlan chhuahte chuan February ni 22, 2016-a OB meeting hmasa berah hetiang hian post an siam rem:
President : Prof. R.L. Thanmawia
Vice President : C. Vanhmingliana
General Secretary : H. Laldinmawia
Asst. General Secretary : Lalzarzova, Chanmari
Treasurer : C. January
Finance Secretary : Lalhlimpuii
Mizo Poetry Society hian kum tinin March ni 21-ah World Poetry Day a hmang thin a, hemi pual hian Poetry Festival te huaihawt thin a ni a, TV leh Radio-ah te hemi pual hian hun hman thin a ni bawk. Mizo phuah poetry dah khawmna hi kum tin tihchhuah niin a bu hmingah ‘Zaikungthar’ vuah a ni a, tun thleng hian Volume eng emaw zat tihchhuah a ni tawh.
March ni 8, 2015-a Executive Committee hmasa ber chuan Tv. Lalremtluanga logo design chu pawl logo atan a pawm a; kum 2016-ah Firm and Society-ah inziah luh niin September ni 19, 2016 khan Certificate of Registration tihchhuah a ni a, Registration No hi MSR 772 of 14.09.2016 a ni.
