To Create Poetry & To Promote Poetry
by admin · November 5, 2024
November 5, 2024 (thawhlehni) zan dar 7-ah MAL Pisa Puiah MIPOTY EC ṭhutkhawm neih tur a ni a, MIPOTY Book Award thlan chungchang te, Musical Poetry Nite neih chungchang te, Poetry Reading Session neih chungchang te, Zaikungthar Vol. 7 chhuah chungchang leh kumthar lam atana hmachhawp hrang hrangte sawi ho tur a ni a, member-te kal theuh tura beisei an ni.
Poetry of the Day
Chhawrthla zan lalnu a lo eng a,
Thangvan luahtu si-ar thla khawngin;
Chhoreivung pawn a zepui a chhuah,
Van ropui mak zia an pho chhuak a.
Boruak ruak zau tak an luah za a,
Zan ropuina chawitu an liam a;
Zing varṭian thiang nuam a lo herin,
Chhun ropui chuan a hun rawn hmang.
Eng petu a lo chhuak turnipui,
Khawvel en a nunna pe turin;
Thim a kiang a khawvar nuamah chuan,
Mawina tin reng ten parfung an chawi.
Thing tin phul hring hnim pangpar an vul,
Hnah chhawl an ṭil a lei ṭha siamin;
Tlang phai chawmtu chhum tui paipawn chuan,
Lei dai hnawm tur khuangruah a sur tir.
Engkim ruatsa khuanu duan reng hian,
Siamtu kut chhuak ropui a lan tir;
Hringmi lei malsawm tinreng vurna,
Kan lei van ram khawvel min siam a.
28.11.24
Activity
