To Create Poetry & To Promote Poetry
by admin · March 18, 2025
World Poetry Day pualin March 15, 2025 (Inrinni) khan KC Lalthansanga, Secretary; H. Lalawmpuia, Asst. Secretary leh Amos MS Dawngzuala, EC Member te chuan LPS-ah inkawm hona hun an hmang. He hun hi LPS Focus anchor CS Sangtei hova hman a ni a, March 21, 2025-ah LPS leh youtube lamah tihchhuah a ni ang.
Tags: news
Poetry of the Day
Chhawrthla zan lalnu a lo eng a,
Thangvan luahtu si-ar thla khawngin;
Chhoreivung pawn a zepui a chhuah,
Van ropui mak zia an pho chhuak a.
Boruak ruak zau tak an luah za a,
Zan ropuina chawitu an liam a;
Zing varṭian thiang nuam a lo herin,
Chhun ropui chuan a hun rawn hmang.
Eng petu a lo chhuak turnipui,
Khawvel en a nunna pe turin;
Thim a kiang a khawvar nuamah chuan,
Mawina tin reng ten parfung an chawi.
Thing tin phul hring hnim pangpar an vul,
Hnah chhawl an ṭil a lei ṭha siamin;
Tlang phai chawmtu chhum tui paipawn chuan,
Lei dai hnawm tur khuangruah a sur tir.
Engkim ruatsa khuanu duan reng hian,
Siamtu kut chhuak ropui a lan tir;
Hringmi lei malsawm tinreng vurna,
Kan lei van ram khawvel min siam a.
28.11.24
Activity
