To Create Poetry & To Promote Poetry
by admin · November 16, 2024
November 15, 2014 chawhnu dar 1 khan ‘dy’ (hming tak C. Vanlaldingpuii) chuan a poetry bu hmasa ber Letters from Dingdy chu a tichhuak a, I & PR Auditorium-ah Pu Lalsangzuala, Asst. Professor, Mizoram University chuan a tlangzarh.
Tlangzarhna hun hi KC Lalthansanga, Secretary, MIPOTY chuan a kaihruai a, Prof. Lalbiakdiki’n thlirlawkna hun a nei bawk. He lehkhabu hi English poetry dah khawm a ni a, FIT Lehkhabu Dawr leh Lehkhabuk-ah te chah theih a ni a, Rs. 250 man a ni.
Poetry of the Day
Chhawrthla zan lalnu a lo eng a,
Thangvan luahtu si-ar thla khawngin;
Chhoreivung pawn a zepui a chhuah,
Van ropui mak zia an pho chhuak a.
Boruak ruak zau tak an luah za a,
Zan ropuina chawitu an liam a;
Zing varṭian thiang nuam a lo herin,
Chhun ropui chuan a hun rawn hmang.
Eng petu a lo chhuak turnipui,
Khawvel en a nunna pe turin;
Thim a kiang a khawvar nuamah chuan,
Mawina tin reng ten parfung an chawi.
Thing tin phul hring hnim pangpar an vul,
Hnah chhawl an ṭil a lei ṭha siamin;
Tlang phai chawmtu chhum tui paipawn chuan,
Lei dai hnawm tur khuangruah a sur tir.
Engkim ruatsa khuanu duan reng hian,
Siamtu kut chhuak ropui a lan tir;
Hringmi lei malsawm tinreng vurna,
Kan lei van ram khawvel min siam a.
28.11.24
Activity
