BD Chawngthu poetry bu ‘Of Younger Days’ tlangzarh a ni
Mizo Poetry Society-a Executive Committee Member, Dr. Lalbiakdiki (BD Chawngthu) lehkhabu ‘Of Younger Days’ chu October 5, 2022 khan Laldawngliani Chawngthu, Director, SCERT-in a tlangzarh. Tlangzarh inkhawm hi SCERT Auditorium, Chaltlang-ah neih a ni a, Lalhruaitluanga Chawngte chuan lehkhabu thlirlawkna hun a hmang a ni.
He lehkhabu hi English poetry dahna a ni a, BD Chawngthu lehkhabu hmasa ber a ni. English poem 70 awmin phek 100 a chhah a ni. Heng poem-te hi Part I ‘Pieces’ leh Part II ‘Younger Love’ tia ṭhen a ni a, ṭhalaite mai ni lovin, thu leh hla lama tui mite tan chuan chhiar manhla tak tur a ni.
A ziaktu Dr. Lalbiakdiki hi Mizoram Christian College, Department of English-ah Assistant Professor a ni mek a, poetry lama tui tak niin a kutchhuak hrang hrang hi Journal leh poetry collection hrang hrangah chhuah a lo ni tawh nghe nghe.
