‘Biakzami Biahzai’ tlangzarh a ni
Mizo Poetry Society (MiPOTY) member Lalbiakzami Pachuau hla bu Biakzami Biahzai chu vawiin April 25, 2022 khan Chief Minister Pu Zoramthanga’n a duh apiang lei theihin a tlangzarh. He hun, Mizo Academy of Letters (MAL) Foundation Day lawmna, Assembly Annexe Conference Hall-a neihah tlangzarh a ni a, lehkhabu dawr hrang hrangah Rs. 150-a lei theih a ni.
Lalbiakzami Pachuau hian hla (poetry) hrang hrang 400 chuang zet a phuah tawh a, he lehkhabu Biakzami Biahzai-ah hian a hla phuahte zinga 197 a dah a, phek 228-a chhah niin Mizoram Publication Board-in chhuahna tur sum a tumsak a ni.
