Hlahril Inphuahsiak huaihawt

Mizo Poetry Society (MIPOTY) leh Meichher Golden Jubilee Hlahril (Poetry) Inphuahsiak Sub-Committee tangkawp chuan Meichher chanchinbu kum 50 tlin lawmna pualin Hlahril Inphuahsiak a huaihawt a, lawmman tha tak tak siam niin tel tur theuh turin zirlaite leh hlahril phuah thinte sawm an ni.

He hlahril inphuahsiakah hian category hrang hrang panga — Middle School & High School Level te, Higher Secondary School & College Level te, University Level te, Open Category bakah Meichher Special Category te a awm a, category hrang hrangah lawmman tha tawk tak siam theuh a ni.

• Meichher Special Category tih lohvah chuan eng lam hawi pawh phuah theih a ni a. Meichher Special Category bikah chuan Meichher chanchinbu chungchang emaw, Meichher chanchinbu kaihhnawih emaw phuah tur a ni.
• Tlar sawm (10) aia tlem lo a ni tur a ni.
• Category khat atangin mi pakhatin hla pakhat chauh thehluh theih a ni a; University leh College zirlaite bakah sikul naupangte hi Open Category leh Meichher Special Category-ah an tel thei ang a, an hlahril thehluh erawh a hrang theuh tur a ni thung.
• Mahni hming, nu/pa hming, khua/veng bakah anmahni emaw, an chhungte emaw biakpawh theihna phone number dah tel tur a ni a; zirlai tan mahni school/institution/department/class/semester dah tel tur a ni.
• Mahni hlahril ziahna phek remchang laiah category hming dah ngei ngei tur a ni.
• Kutziak leh khawlchhut pawm vek a ni.
• Soft copy-a thehlut duh tan email: [email protected] emaw, WhatsApp no. 9774445836/8794022543-ah emaw thehluh theih a ni. Hard copy hi Pu TC Lalremsiama, Editor, Meichher (Ph. 9862646151) hnenah thehluh theih a ni bawk. Soft copy leh hard copy thehluh kawp loh tur a ni e.
• February 28, 2025 thleng thehluh theih a ni a, hemi hnu lama thehluh chu pawm a ni lo vang.
• Phone No. 9774 445 836-ah emaw, 9862 646 151-ah emaw zawh fiah theih reng a ni e.