Hnehna Kawnghren tlangzarh a ni
Zothanmawia (Pu ZoVa) lehkhabu hmasa ber Hnehna Kawnghren chu March 18, 2023 (Inrinni) khan Dr. Tawnenga, Principal, Mizoram Christian College (Former Principal, PUC) chuan PUC Seminar Hall-ah a tlangzarh. He lehkhabu hi poetry 59 leh essay 10 dah khawmna bu a ni a, cheng 180 man a ni.
Lehkhabu tlangzarhna hun hi R. Malsawmdawngkima’n a kaihruai a, Zoramhmasawna’n hunserh hmangin TS Khupchong-in lehkhabu thlirlawkna hun a hmang bawk. He hunah hian lehkhabu publish-tu In Lehkha Publishing House atangin Anita VL Nunmawii te, tlangzarhtu Dr. Tawnenga te, a ziaktu Zothanmawia te, a ziaktu pa Pu P. Lalkhama leh mi dang thenkhatin thu an sawi a, kal khawm an tha hle a ni.
He poetry bu hi hralh a tla hle a, tlangzarh atanga kar khat a ral hmain chhut nawn leh tura buaipui nghal a ni. A ziaktu Zothanmawia hi Mipoty member a ni a, Mizo Department, Mizoram University-ah MA a zir mek a ni. Hnehna Kawnghren hi In Lehkha Office, Chaltlang Dawrkawn; Book Cafe, Chanmari; Lehkhabuk, Khatla; Book Owl, Ramhlun South-ah te lei theih a ni a, online-a chah theih reng a ni bawk.
