International Literature Festival-ah Mipoty member tel
Mizo Poetry Society member pathum — C. Januari, Adviser; KC Lalthansanga, Secretary leh Lalthantluanga Chawngthu, member-te chu Sahitya Akademi-in August 3-6, 2023 chhunga a buatsaih, Unmesha International Literature Festival-ah an tel.
He festival hi Ravindra Bhawan, Bhopal, Madhya Pradesh-ah neih a ni a, khawvel hmun hrang hrang leh India ram hmun hrang hrang atangin thu leh hla lama tui sawm bik mi 600 vel an tel a. Poetry chhiar te, thawnthu tawi chhiar te, titi hona (discussion) te, hnam lam leh zai te, thupui hrang hrang chai hona te neih a ni.
Festival hi August ni 3, 2023 chhun dar 12:00-ah neih tan a ni a, Smt. Droupadi Murmu, India President chu khuallian a ni a, Shivraj Singh Chouhan, Chief Minister, Madhya Pradesh leh mi pawimawh dang tam tak an tel bawk.
Mizoram atanga tel mi pathumte hian poetry chhiarna hun ‘Tribal Poets Meet’-ah hun an hmang a. C. Januari hian August ni 3, 2023 khan Anjani Auditorium-ah poetry chhiarin, KC Lalthansanga leh Lalthantluanga Chawngthu-te hian August ni 4 leh ni 5-ah Malkauns Auditorium-ah poetry an chhiar a ni.
