Malsawmi Jacob lehkhabu ‘Zo Zêm’ tlangzarh a ni
20.06.2022: Zanin dar 8:30 khan Mizo poetry hrang hrang dahna leh poetry chungchang chîk taka tar lanna Zo Zêm chu Pu L. Thangmawia, MLA & Vice Chairman, Human Resource Development Board chuan Google Meet atangin a tlangzarh. He lehkhabu hi Malsawmi Jacob lehkhabu niin a lehkhabu 10-na a ni a, Mizo Poetry Society (MiPOTY) member a ni.
He lehkhabu tlangzarhtu Pu L. Thangmawia chuan, poetry chungchang ziahna lehkhabu tha tak tlangzarh tur a awm leh ta chu lawmawm a tih thu a sawi a; poetry lamah te, thu leh hla lama a rualawhna te a sawi. Mizo Poetry Society chu poetry hmasawnna atana thawk hlawk tak nia a hriat thu te, hma a lakna tura a duh te a sawi bawk. Sapho naupang pawnto hla leh nau awih hlate hi hla thu ho leh mawlmang ve tak tak a ni a, hei hi Mizote pawhin kan ring ve mai thin a. Keimahni ngei pawhin kan phuah theih a ni a, heti lama theih tawpa hma la tura MiPOTY a duh thu te a sawi bawk.
He lehkhabu tlangzarhna hun hi Dr. Lalhlimpuii, Asst. Professor, Mizoram Christian College (Fin. Secretary, MiPOTY) chuan a kaihruai a, Dr. H. Laldinmawia, Asst. Professor, Pachhunga University College (Secretary, MiPOTY) chuan lehkhabu thlirlawkna hun a hmang bawk a ni.
Zo Zêm hi Rs. 220 man a ni a, Book Cafe, Chanmari leh instagram lama lehkhabu chahna lehkhabuk-ah te lei theih a ni.
