MiPOTY hruaitu hlui leh tharte charge inhlan fel
April 10, 2023 tlai dar 5 khan Mizo Poetry Society (MiPOTY) hruaitu hlui leh hruaitu tharte chu charge an inhlan fel a, MAL Office-ah charge inhlanna hi neih a ni. Hruaitu tharte hian kum 2023-2025 thleng pawl an kaihruai dawn a ni.
MiPOTY hruaitu tharte hi March 21, 2023 khan PUC Seminar Hall-ah thlan chhuah an ni tawh a, heng a hnuaia mite hi thlan chhuah an ni a; hruaitu tharte hian hun remchang hmasa berah Executive Committee Member tur an thlang chhuak leh dawn a ni.
President : Dr. H. Laldinmawia
Vice President : Lalzarzova
Secretary : KC Lalthansanga
Asst. Secretary : H. Lalawmpuia
Treasurer : Lalremruati Ngente
Finance Secretary : Dr. Lalbiakdiki
