MiPOTY member Lalvensangi Chawngthu hla bu tlangzarh
03.04.2022: Nimin, April 2, 2022 chawhnu dar 1 khan Aizawl Press Club-ah Lalvensangi Chawngthu hla bu Angel leh Mihring chu Dr. H. Laldinmawia, Secretary, Mizo Poetry Society chuan a tlangzarh a, tlangzarh inkhawma tel an thahnem hle a ni.
Lehkhabu tlangzarh inkhawm hi Lalremruati Ngente, ECM, MiPOTY-in a kaihruai a; Pi C. Januari, Treasurer, MiPOTY-in hunserh hmangin Pu Lalzarzova, Asst. Secretary, MiPOTY-in thlirlawkna hun ngaihnawm taka a hman hnuah lehkhabu hi tlangzarh a ni ta a ni. He hunah hian Debbie Rinawmi, ECM, MiPOTY leh Gladys Lalhruaitluangi, MiPOTY member-te chuan Lalvensangi Chawngthu hlate an chhiar bawk a ni.
Lehkhabu hi hla (poetry) hrang hrang 116 zet dah niin phek 150-a chhah a ni a, Mizoram Publication Board-in a tihchhuahna lamah puiin Rs. 100-a zawrh chhuah a ni a; lehkhabu dawr hrang hrangah lei theih a ni a, lehkhabuk-ten inah an thlen thei bawk.
Lalvensangi Chawngthu hi Mizo Department, Mizoram University-ah IV Semester zirlai a ni a, poetry thahnem tak phuah tawhin MiPOTY member tangkai tak a ni.
