Poetry Book of the Year thlang dawn
Mizo Poetry Society (MIPOTY) chuan kum khata Mizo poetry bu chhuak zinga tha ber, Poetry Book of the Year chu kum tin a thlang tawh dawn a, nikum, 2023-a poetry bu chhuak zinga tha ber chu March ni 21, 2024 World Poetry Day hmannaah hlan a ni ang.
Poetry Book of the Year thlang tura rawtna hi August ni 31, 2023-a MIPOTY Executive Meeting-ah a lo awm tawh a, he meeting-ah hian poetry tha ber thlanna neih tura pawm a ni a, a thlan dan tur te, inkaihhruaina leh tul pawimawh apiang lo ngaihtuah turin committee tepeng a ruat a, chung mite chu:
- Dr. H. Laldinmawia (Ex-Officio)
- KC Lalthansanga (Convener)
- Seiji Rinkima
- Laltlanmawia
- JH Lalrinzuala
- F. Vanlalrochana
- F. Lalzuithanga
- Ramlawt Dinpuia
- PC Lalnunmawii
- Gladys Lalhruaitluangi
Anniina rawtna an neihte chu November ni 24, 2023-a EC Meeting-ah pharh a ni a, criteria leh tul dangte chu a tul anga siam remin pawm a ni a; MIPOTY Poetry Book of the Year 2023 thlangtu tur Sub-Committee pawh a hnuaia mi ang hian ruat a ni bawk:
Convener : Dr. H. Laldinmawia
Member Secretary : F. Vanlalrochana
Members : F. Lalzuithanga, C. Vanlallawma, Anita VL Nunmawii (Ani hi a remchan loh avangin Dr. Lalzarzova ruat a ni).
Poetry bu thlan dan tur criteria chu a hnuai ami ang hian duan a ni:
- A hla mawina (Artistic Value):
A hla thu mawina, a suangtuahna, a tawngkam leh hlarua, hlathu rem khawm dan - A ziaktu irawm chhuak (Originality):
A ziaktu tihdan phung te, a thuken leh hawi lam a tar lan dan - Mi a hneh dan (Impact & Influence):
A hlain mi a hneh dan te, a thu ken lama chhiartute a kaihhruai dan
Thlan theihte chu:
- Poetry bu, phek 50 aia tlem lova chhah
- A ziaktu/chhuahtu Mizo a nih phawt chuan eng tawng pawh a huam ang
- Poetry hlang dahna a ni tur a ni.
Chawimawina atan Rs. 10000 leh citation hlan tur a ni bawk.
Mizo Poetry Society (MIPOTY) chuan Poetry Book of the Year a thlan hian, poetry lamah Zofate hmasawnna a thlen theih a beisei a, poetry lama tuite tan pawh inpho chhuahna remchang siamsak zel a tum bawk a ni.
