World Poetry Day 2022 hman dan tur rel
March 5, 2022 zan dar 8:30 khan Zoom hmangin Mizo Poetry Society (MIPOTY) Executive Committee vawi 4-na neih a ni a, he hunah hian March 21, 2022-a World Poetry Day hman dan tur rêl a ni.
He hun hi hrileng avangin online hmanga neih tura ruahman a ni a, khualliana sawm tur te sawi ho niin hun hman dan tur chu Media & Publicity Cell kutah dah a ni bawk.
Tin, World Poetry Day pual hian ni tin chanchinbu hrang hrangah article ziak turin — Dr. H. Laldinmawia, Dr. Lalbiakdiki Chawngthu, Debbie Rinawmi, H. Lalawmpuia, Lalremruati Ngente leh K. Lalnunzama te ruat an ni.
Hei bakah hin Zaikungthar Volume-V buatsaihtute atangin report ngaihthlak a ni a, Dr. H. Laldinmawia, Secretary-in January 17- March 5, 2022 inkar chhunga pawl chet velna report a pe bawk a ni.
