Awih lai i bang lo’ng aw
Hrâi an liam thlafâm an chan ni chuan,
Thînlai hrui chah ang hian a na a;
Pungrual rûn kai chhawn kan thiam nem le,
Dawn a tawi a sei bawk si kan nun.
Tawn ni her lo tur ka ngâi ngam lo,
Ngaih lung herin kir zai rel teh un;
Ngaih a nem lo kumsul vei mahse,
Mit hulin thinlung mei ang sa e.
Ka lunglen romei ang a zâm chiai,
Tlâng tin bawm ṭhâl ti mâwitu ber;
Nun lunglen tikim, tihrehawm tu,
Zâm la zâm zêl la hring chan chhungin.
Van hnûnpui lo hnai la mi kai rawh,
Lei khawhar ah nang ngai kan lo ṭap;
Van nun min tep tir la kan lawmna,
A vûl ang nun phul pangpar angin.
