Ka Dingdi Par
Dawi tin dawm chawi lai hrai ka dingdi par,
Chham ang an zalna dawnlung ngir hmun saw,
Chul ria sakhmel rial ang ralna dairawn,
Tlai tla liamin a chhun ka thlir ngam lo.
Chunglum khua duan kan chan van a duai e,
Chhingkhual kal lai kan rel maw fam turin;
Ṭha leng par mawi an chuai piallei daiah,
Chin lem nei lo fam ngaih a liam thei lo.
Khaw chul dai nghak puah lai rûn a riang zual,
Luah loh chei loh a ding vangkhaw zauah;
Kawlsa ang rum maw kan rûn kei mi ngai,
Hnawm hnâwl ang ka hnawl lo ka ngai em che.
Chungluai khuanu ka au lal lai dilin,
Laitha hrui ang fei se dam ni hauhin;
Puahlai rûn riang pum la riang nu lawmah,
Phul zing liam an lawi lo hrilh a hai dawn.
Puallenga thlang tla ang ka hraileng te,
Puiraw dawntuai ang tuai nawn rel si lo;
Puini derin hring chan rel theih chang se,
Piallei khar hawngin zal lai lo tho ru.
15.9.024
