Ka vul leh ang

Tlantei Renthlei

Vangpui sãrah lunglèn a zäm a,
Lenkawl mawi thlir nin tik a awm ne’maw;
Fur khaw lènlai kawlkung a liam a,
Hawk tui iangin ka tahní kiam ve se.

Ka nghah sikpui kãwl êng a vul leh tik-ah,
Samtlang parin lallai a chawi niin;
Hring nun thla mang sûl tin chhiahna,
Duahte’n vullai par ka chhuang leh ang.

Sûl thlep tam hnuhchhawl-ang uai mah í,
Hring nun tuai ang a lo thar leh ang a;
Thliah hnu hnahnêm chawr thar iangin,
Chul hnu tharin ka vul nawn dawn si a.