Lunglen (Lurhpui, lo hnai la)
Ri hiau hiau-va thangvan zau lumtu,
Ka chung kawlngo thla khawng ri’n;
Awmhar níchhùn min awi e,
Thinlai tihním zual tur reng a’n maw.
Cho tawk a tlawm laitha zam a zal,
Vul thin sakruang a chuai a;
Chhingmit thlirlai thîm rii riai,
Ngaihbeng hawng lo dawn ril fim si e.
Fan ka nuam’ e lunglèn zual changin,
Zawl nû di nen tuanna mual;
Saw ràl tlang khanthuam liai luai,
Chuan á hlui nun chang hnu va au i.
Mauruangi nu phunchawngpui ngen iangin,
Kei ka chhingmit a lênna Lurhtlangpui;
Ka zàwl tawkin kur dìam díam mai teh la..
