Lungril lawmna pialral
Khaw ṭha favang kawl a lo eng no a,
Chawi ang rauthla lungril lawmna pialral;
Ngur ang kan lenna tur khi van khawpui,
Ngai hian tlai tla ni a liam leh dawn e.
Tlai nem thlangah a liam tum turni pawh,
A nem van pawl mawiin chhum var rang nen;
Hring nghial hnahsin a vul tuktinpar nen,
kan hril phak lo van ropui a mawina.
Mosia kannan a thlir, chuan a chak ang,
Thlir hian lung a leng hmangaih kimna hmun;
Lei nun thlah a van thuam kan bel hunah,
Nunna thaw a kir ang chatuan tlangah.
Ropuina van ṭawng pawn a hril zo lo,
Chhiarsen rual loh van mi an lo puang a;
Aw ka Lalpa khawngaihna sang zual chuan,
Lo haw ru ka fa tlante min lo ti.
6.10. 024
