Mi hrang Lalhleia
Nghilhin kan mawi ne’m le sakhming Lalhlei,
Khuavang fa chuam hnam chhan valhrat mi hrang;
Hmangaih a ram chan tur a dawn rianghlei,
Chengrang a chawi vangkhua pelin a hrang.
Chhuan thar nun dan a thar kal lai siam na’n,
Khuatin velin daitam a hrut kual a,
An rel an phiar zopui mihrang fam na’n,
A pawi ngei e fam ni a her chhuak a.
Phenthing hnam chhan mihrang a liam ni chuan,
Lengtin thinlai a fan vangkhua ngui e;
Lunglian sakawl hrang lu an aih ni chuan,
Bawh-ar khuangin pau lai chawlin sun e.
Vanglai vullai a vui, a ram chhan nan,
Duh lai a chan, hnamin a ram chhan nan.
Shakespearean Sonnet
Rhyme..abab, cdcd, efef, gg
