Pasaltha
Ri lé lû-in lo lawm u, pialral sumtualah,
Hnam chhan mihrang rauthla siang lo lawi kha;
Kawlkei zia-am a chawi zo huai no lo hlan u.
Anpai leng an hrang maw an hràn a na lua,
Laifei chawiin hnam chem an len ruai ruai a;
Náunàwn suihlung phangin run lum reng an nuam lo,
Laitual mawi lengi hlim thawm rial ang dai e.
Anpai leng tawna zam ngai lo sakhming thang hluan,
Awkhrawl nunzia reng zawng a pawm nuam nemaw;
Phenthing mihrang thlung lu sahlam mawitu saw,
Thinlai dam te’n thlir zawng a har ngei e maw.
An hrân a na, chalrang duham hringfa te,
An hliam e thinlung, an riama mi huai sakruang,
Senthi a luang e maw, min au zofa leng,
Harhin tho r’u aw zohnahthlak chhan turin.
