Sialsuk Val
I zaiah ka zâm ral Lalṭanpui,
Ânka biahthu chheh thiam sialsuk vâl;
Tawng lova i liam ka ui ber mai,
Ngaih zûn zâmah lêngi ka uai thlawn.
Lunglên nun bul zuk chhui thiam ila,
I zai râwlah zan chhawrthla pawn e;
Van thiangah ên zual tum hian ka ring,
Nun châwi zaiah lung a lêng vawng vawng.
Ngaihbeng rilah biah nêmin min fan,
Hnuh sâng kuaih loh ang a duah awmhar;
Engtin hmang che maw thlah hnu hringnun,
Zâl lai tho rawh i lunglêng dûn ang.
Lelte kiu rawh le sumtual zauah,
Awmhar kan ûr dâwn e tap zawlah;
Ka sawm zai puah thiama sialsuk vâl,
Rauthla ka au phûl zing a liam hnu
Pialrâl chuanin lunglên bâng che maw,
Hring lam thlîr hian kîr rel lo mah la;
I dem lo’ng lung duh nghah ang fuanna,
Chatuan tlâng hlimna a thleng tawh si.
3.6.24
