Sul tam liamah

Day-i Ralte

Sul tam thlepa chhawl ang ka uai tikah,
Thliah hnu par iang sakruang a vuai ang a;
Vula seih ṭhin sakhmel a chul tawh ang.

Lai tha zung zam ṭhuma a zuai tikah,
Reh riaiin maw riang hi ka tham ang a;
Nun hlui ngaiin ka rian a chiang tawh ang.

Vang lai kimtlang ngaia ka kur niah,
Lemthla sul tin chhiahna ka keu ang a;
Zur hnu vul lai sakruang ka thlir tawh ang.

Siar mal len ianga ka rian tikah,
Rualpui sul zun phurin ka kur ang a;
Thlafang mawina ṭahna a chang tawh ang.

16062000