Thalkhaw lenlai
Virthli a leng nun khua thing iang a ro,
Romei a zam thalkhaw lenlai màwiin;
Sikpui anchhia lungleng kiu lai awiin,
Dawn ril chheh mawi pheilai khai kawng a bo.
Thlan tui luangin turni sen sa ka do,
Hah chhawl dama’n lenbuang hlim zar belin;
Hram thiam Zaiva zai ri thang riai remin,
Sul hlui ngaih ní a thar beisei a bo.
Awmhar zal nan thlehnem silhpuan ka chawi,
Zantiang a rei dawn reng a thui ngei e;
Nghilh har tiin hlim ní chultir a har,
Nun hlui liamah suangtuah rauthla a lawi;
Rualpuí au-vin thinlai a hním ngei e,
Vullai vanglai dàwnin hlimlai a thar.
Italian Sonnet
Rhyme scheme: abba, abba. cde, cde.
