Thih pawh ka tan malsawmna
Hun leh kum te a lo inher zel a,
Chhung kim hlim a lenlai kan lo inṭhen;
Ka vui lo Lalpa engkim i remruat,
Amen turin nun min siam rem sak rawh,
Lalpa fanau i malsawm min pek te hi,
Kan ro hlu ber i ram rawn thlen tur hian;
Harsatna tam tak karah min hruai la,
An thlarau i kutah kan rawn hlan e.
He khawvel hrehawm hi kan pelh hunah,
I van hmun a chhungtin kan kim ang em ?
Thlen loh ka hlau Lalpa min hruai khawm rawh,
Kan do sual hneh turin min thuam zel la.
Dam a hlu thih pawh kan tan malsawmna,
I tlante min hruai la thlarau thianghlim;
I ka thu chhuak kan tan nunna a ni,
Kan awmdan i remruatah a fel zawk.
Muanna awm lo hringnun kan hmanlai hian,
Indo thu a thang insuatna karah;
Khuarel chhiatna lingnghing tui lian ram kang,
I lo kal hnai ta tih min hriat tir a.
Ka nghakhlel van kanan thar mawiah,
Tlante kan inhmuh khawm hun tur chu;
Hmangaih kan ṭhente hmel duhawm leh,
Kan hmu ang a chhandamtu hmangaiha
25.9.24
