“thupui nei lo”
Zing daifim far chhim a,
Tuk tin mawina vul tur i thlirin;
Ni chhuahna kawlkil tawp sawn,
Thu rûk eng zata tam pai ang maw?
Finna chhui sen rual loh chu..!
To haw tur inmung mup mup leh,
Kawlphe rapawm, mawi danglama thuam chu!
Chhum chhah zin zawh nghaktu ni eng mawi,
Thimna hnehtu a lo en in.
Beisei i hmuah lo thlen tik-ah,
Siamtu ropùi i chiang ang.
Van zau tak i thlirin,
Siruk mawinate’n i lung lèn mah sela,
Fel taka remtu leh dintu, a ropuina thlir hmaih lo la.
Chhohreivung vul lai a, hunbi inher fel taka duangtu’n,
Vangpui rawng mawiin a luan a,
Thlasik kawng ruahmantu chuan,
Hmaih réng a lo nei lo-ve.
