“thupui nei lo”

Tlantei Renthlei

Turni a liama thlang lenkawlah,
Chhawrthla a kai thangvan zawl mawitu;
Khuarel mawi ti famkim tur renga’n,
Van zawl a nghak vul liai luai e.

Khi ang chhawrthlapui a lo en khian,
Hlui nun ngai i kiu em riang rengin;
Khuarel sela reltu sel reng hian;
Riama hliam hnu ná thar lul lo’ng che.

Hun nun vawngtu’n a rel sual ngai ne’m,
Chawr tin duaha thar thin thing iangin;
Hnah hlui til se vul zai rel leh la,
Khuangchawi thlahleinga zan iang reng hian.