“thupui nei lo”

Tlantei Renthlei

Nang nen thinlung thawnthu intawm,
Suangtuah duhsam rama din kha;
Van khi mi hriatpuitu a ni a,
Siar kianga thu tam thlun zawng nen.

Phek tam mit tuiin a luan chang,
Chan tual bung thar chuantir tum ila!
“Ka ngaih i ni” ka neitu khan,
Chawlhna mi siam leh thin a.

Ngaihlai, van khi a thîan leh a,
Chhawrthla a en leh tikah;
Hun thar rahbi thar kaiin
Vul ni kan tawng ve ngei ang.