Vangpui Lunglen
Zo lèntu hnah nêm chhawl tin vulna ram dai,
Thing lenbuangah sirva te’n zaiin an awi,
Zo luitê tui thiang dam te’n a luang cham del,
A mawi mang e, pâr tin vulna kan zoram nuam.
Ṭhal favang lenkawl a êng no riai,
Thlirin ka hawi vel kan chhuah tlangah,
Vangpui zûnzâm awmhar tizual ṭhintu,
Nun hlui liam hnu ngaiin ka kur diam diam.
Hmanlai an chang, aw pan lai nun te’n,
Ka ngai mang e, kan nun puan ang a chul tawh hnu,
Kirtiang rel lo hlim ni kawlkung a liam zo ta,
Mala riang nun chhiarin ṭah zai ka rel leh ṭhin.
Vàngpui awitu lelthang rawl mawi a pau leh e,
Zo dai reh ruai hnuaiah lunglen zûn zâi an sa,
Zo nem fimthli leng vel kârah hianin,
Aw khawtlang lunglen ka tuar zo lo.
