Vau thla
Chappui a chár vaupui a par chiai a,
Sûnthangtepa’n lunglèn zai lo sa e;
Nipui ãwi rawl mawite’n a thang riai a,
Lenchawm khuang ri paulai a mawi ngei e.
Romei a zam tlang tin a bawm vel e,
Tuahpui an par Tau thla tumkawng sialin,
Fimthli leng zamah nun khua vûl nùam e,
Thing tin an ngir siau a lamsir tluanin.
Tukram lenchhawl uai hnu iang reng hianin,
Hring hnah hluiin hring nun chawhnu hera’n;
Uaiin kan til ang hun bi kham lovin,
Panlai hlimní ngaihlai tizual renga’n.
Ka chung khuanu dùan rem sa her sual se,
Vau thla vanglai iang kan nun chul lo se.
Spencerian Sonnet
Rhyme scheme: abab, bcbc, cdcd, ee.
