Zirlai Duhawm
An lo kai e kan rûn riangah,
Thiam zir sang kai sakhmel thlir nuam;
Zoram hmathlir ṭhalai rualte,
Van malsawm chang sang tual tual ru.
Ka suihlung mu an thawh tir e,
Hringnun pheikhai chhehlai rual se;
Ka nuam ve e zir run sang kai,
Thiam thang pur chaw han pur ve chu.
Kei a suihlung mawl zai hla hian,
Tu suihlung mah va len mah lo’ng;
Fam zûn ngai hringnun chhawl ang uai ,
Pau a ṭhangril chhin rel lo nu.
Rual tin chhing u zirlai duhawm,
Khuavel than lai par ang vul ru;
Min han nghilh bik suh lungleng nu,
Hlawhtlinna nopui indawm tik’an.
3.10.24
