To Create Poetry & To Promote Poetry
Editorial Board
Volume 3-ah hian Mizo hla 202 leh English 32, a vaiin hla 234 ngawt dah a ni a, mi 61 zet hla phuah dah khawm a ni. July ni 12, 2019 khan Workshop on Poetry Writing and Reading neihah Pu R. Lalzirliana, Art & Culture Minister-in a tlangzarh a ni.
Rs. 200 man a ni a, Synod Bookroom leh lehkhabu dawr hrang hrangah lei theih a ni e.
ISBN: 978-81-938711-3-3
Poetry of the Day
Chhawrthla zan lalnu a lo eng a,
Thangvan luahtu si-ar thla khawngin;
Chhoreivung pawn a zepui a chhuah,
Van ropui mak zia an pho chhuak a.
Boruak ruak zau tak an luah za a,
Zan ropuina chawitu an liam a;
Zing varṭian thiang nuam a lo herin,
Chhun ropui chuan a hun rawn hmang.
Eng petu a lo chhuak turnipui,
Khawvel en a nunna pe turin;
Thim a kiang a khawvar nuamah chuan,
Mawina tin reng ten parfung an chawi.
Thing tin phul hring hnim pangpar an vul,
Hnah chhawl an ṭil a lei ṭha siamin;
Tlang phai chawmtu chhum tui paipawn chuan,
Lei dai hnawm tur khuangruah a sur tir.
Engkim ruatsa khuanu duan reng hian,
Siamtu kut chhuak ropui a lan tir;
Hringmi lei malsawm tinreng vurna,
Kan lei van ram khawvel min siam a.
28.11.24
Activity
