Kum 2017 chhunga hmalakna te
1. World Poetry Day hmang:
World Poetry Day, March ni 21, 2017 chu Mizoram University-a Mizo Department-te nen Govt. Hrangbana College Golden Hall-ah hman a ni a, Parliamentary Secretary, Pu TT Zothansanga chu khuallian a ni.
World Poetry Day hmanna inkhawm hi MiPOTY president Prof. RL Thanmawia’n a kaihruai a, Secretary H. Laldinmawia’n report a pe a; MiPOTY adviser leh MZU Mizo Department-a HoD Prof. Laltluangliana Khiangte-in thu a sawi bawk.
2. Zaikung Thar Vol-I tlangzarh:
MiPOTY buatsaih, thangthar hla phuah thiamte hla dahkhawmna lehkhabu ‘Zaikung Thar Vol-I’ chu World Poetry Day hmannaa khuallian Pu TT Zothansanga chuan a tlangzarh a. Lehkhabuah hian mi hrang hrang 48 hla phuah 217 telh a ni.
3. Doordarshan Kendra Poetry reading:
World Poetry Day denchhen hian Doordarshan Kendra, Aizawl-ah Poetry chungchang sawi hona leh poetry reading hun buatsaih a ni a. Asst. Secretary, F. Lalzuithanga kaihhruaiin member 10-ten hun an hmang a ni.
