Kum 2018 chhunga hmalakna te
1. 2nd Poetry Festival for Young Mizo Poets
Sahitya Akademi bultumin Pachhunga University College-a Mizo Department leh Mizo Poetry Society (MiPOTY) tangkawp chuan January ni 19-20, 2018 khan PUC Seminar Hall-ah ‘Second Poetry Festival for Young Mizo Poets’ an buatsaih a, Nl. Vanlalawmpuii Chawngthu, Minister chu khuallian a ni a, he festival hi a hawng a ni.
Sahitya Akademi Regional Office, Kolkata atangin Mr. Goutam Paul chuan inlawmna thu a sawi a, Pachhunga University College Vice Principal, Dr. Lalbiaksangi Chawngthu pawhin thu a sawi bawk. Prof. R.L. Thanmawia, President, MiPOTY chuan poetry chungchangah keynote address a sawi a, Dr. Zoramdinthara leh H. Laldinmawia, Assistant Professor, Department of Mizo-ten thu an sawi bawk a. Lalduhsaki, Mizo Department zirlai leh Chhawkhlei Cultural Club ten zai leh lamin kalkhawmte an awi a ni. Festival-ah hian thalai hla phuah thiam mi 50 vel an tel a, an poetry phuahte an chhiar chhuak a ni.
2. World Poetry Day, 2018:
Kum 2018 World Poetry Day chu March ni 21 hian MiPOTY leh Art & Culture Department tangkawpin Archives Hall, Babutlangah hman a ni a. Art & Culture Secretary Pi Thanhliri Pachuau chu khuallian a ni a, Prof. R.L. Thanmawia, President, MiPOTY chuan programme a kaihruai a ni.
Prof. R.L. Thanmawia chuan Mizo Poetry Society din a nih chhan leh UNESCO ruahmanna anga World Poetry Day hman a nih chhan te a sawi a. H. Laldinmawia, Secretary chuan report pe a. member 8-in an poetry an chham a ni.
3. Lehkhabu Tlangzarh:
MiPOTY member-te hla phuah hrang hrang dahkhawmna lehkhabu ‘Zaikung Thar Vol-II’ chu World Poetry Day, 2018-ah hian Art & Culture Department Secretary, PI Thanhliri Pachuau chuan a tlangzarh. Lalhlimpuii, Editor chuan Zaikungpui Thar -2 thlirlawkna hun hmangin hemi ni hian zawrh chhuah nghal a ni.
4. Hruaitu thlan:
MiPOTY constitution-in a phut angin pawl hruaitute hun chu a tawp tak avangin pawl hruaitu thar thlan a ngai a. World Poetry Day, March ni 21, 2018 hian Archives Hall, babutlang-ah kum 2018-2010 chhunga pawl hruaitu tur thlan a ni a. Chuta thlanchhuahte chu –
President : Prof. R.L.Thanmawia
Vice President : C. Vanhmingliana
Secretary : H. Laldinmawia
Asst. Secretary : F. Lalzuithanga
Treasurer : C. Januari
Finance Secretary : Lalhlimpuii
5. Rokunga pualin Doordarshan-ah hun hmang
Rokunga pian cham leh MiPOTY din cham pualin Doordarshan Kendra, Aizawl-ah MiPOTY member pathum — F. Lalzuithanga, Dustin Lalkulhpuia leh Rochharzela-ten poetry chungchang sawi hona hun an hmang.
6. 1st Poetry Evening:
Aijal Club bultumin Rokunga Memorial Society chuan June ni 29, 2018 khan Aijal Club-ah ‘Poetry Evening’ an buatsaih a. He poetry evening tihlawhtlingtu leh programme-a poetry chhiartute chu Mizo Poetry Society member te vek an ni.
Poetry Evening-a MiPOTY member zinga poetry chhiartute chu -— English poetry-ah Hannah Lalhlanpuii, Lalrinkima (Seiji), Candle Vanrempuii, Malsawmdawngliani (Tara) te an ni a. Mizo poetry-ah Laltlanthangi JH, Ramngaihawma, Lalvensangi Chawngthu leh Ramlawt Dinpuia te an ni. He poetry evening-ah hian MiPOTY member 20 chuang an tel thei a ni.
7. Lehkhabu Tlangzarh:
MiPOTY member, pawl 10 zirlai Ramngaihawma, Ramhlun South chuan a hla phuahte a dahkhawmna lehkhabu ‘Suihlunglen (Ka hla phuah leh lehlinte)’ tih chu a ziaktu piancham denchhenin May ni 8, 2018 zan khan MiPOTY President, Prof. R.L. Thanmawia in-ah AMC Councillor, Pu Laltlanzova Khiangte chuan a tlangzarh a. He lehkhabu hi MiPOTY Secretary H. Laldinmawian thlirlawkna hun hmangin President-in thu a sawi bawk a. MiPOTY member eng emaw zat an kal a ni.
8. Gandhi Sammelan Poetry Reading:
India hnam pa Mahatma Gandhi piancham vawi 155-na denchhenin Art & Culture department chuan October ni 18, 2018 khan Kavi Samellan on Gandhiji (Gandhia pual Hla Kutpui) chu an buatsaih a. He programme-ah hian MiPOTY President, Prof. R.L. Thanmawia chuan keynote address sawiin MiPOTY member mi 14 — CVL Ngura, OPa Hmar Vanbawih, Lalrinfela, Thang Sian Tluang, Gladys Lalhruaitluangi, S. Lalruatfela, Ramlawt Dinpuia, Lalduhawma, Apa Ruattea, Laltlanmawia etc ten Gandhi-a chungchang leh a ngaihdan chungchanga an hla phuah an chhiar hlawm a ni.
