Kum 2020 chhunga hmalakna te
1. Webinar on International Zofa Poetry Festival:
Kum 2020 chhung hian khawvel pumah hripui, Covid-19 a len avangin hun tam zawk inkharkhip (lockdown) a ni a. Hei vang hian pawl tan hmalak tam a har hle a. Heti chung hian ‘Khawvel Huap Zofate Hla Kutpui’ (Webinar on International Zofa Poetry Festival) chu Mizo Zaimi Inzawmkhawm (MZI) leh Mizo Department, Mizoram University nen tanghovin hlawhtling taka buatsaih a ni.
He Poetry festival atan hian hetiang hian organising team siam a ni a, chungte chu
Patron : 1. Prof. R.L. Thanmawia, President, MiPOTY
2. David Z. Hmar, President, MZI Gen. Hqrs. Aizawl
Chief Organiser : H. Laldinmawia, Secretary, MiPOTY
Dy. Chief Organiser : Lalhungchhungi Pachuau, Gen Secretary, MZI Gen. Hqrs
Coordinators : Lalhlimpuii, Fin Secretary, MiPOTY
Lalzarzova, Asst. Professor, Mizo Department, MZU
Organising Secretaries : F. Lalzuithanga, Asst. Secretary, MiPOTY
PC Lalngaihzuala, Asst. Professor, MCC
Organising Team hian ruahmanna an siam angin he khawvel pum huap poetry festival hi December ni 14-18, 2020 chhung khan zan dar 7:00 – 9:00 inkarah buatsaih thin a ni a. Zan khatna thupui hi ‘Chibai, Zofa’ tih a ni a, zan hnihna hi ‘Unau kan ni’ tih niin, Zan thumna hi ‘Insuihkhawm leh zai i rel ang aw’ tih a ni. Zan lina hi ‘Inthen thei kan ni lo’ tih a ni a, zan ngana hi ‘krismas chibai’ tih a ni.
He festival-ah hian patron member pahnihin thuchah an sawi a, khawvel hmun hrang hranga MiPOTY member mi 59-in poetry an chhiar a, zaithiam mi 10 an zai a, duhsakna thuchah mi 12-in an sawi bawk. Zan tin zoom lamah mi 100 chuangin an chhim ziah a, MZI youtube lamah live-a pekchhuah niin mi 30 bawrin an thlir ziah bawk a. Tun thlengin youtube lamah thlir a la hlawh reng bawk a ni.
He festival-ah hian khawvel ram hrang hrang sawm leh pakhat — India, Myanmar, New Zealand, USA, United Kingdom, Australia, UAE, Slovakia, Israel, Malaysia, Bangladesh atang tein an lo tel thei a, India ram state hrang hrang — Meghalaya, Manipur, Tripura, Assam atang tein an tel bawk. He festival hi a hlawhtlingin kan hlawkpui takzet a, member-ten zawngchhangthlak kan ti hle a ni.
