To Create Poetry & To Promote Poetry
JH Hlupuii Zo lèntu hnah nêm chhawl tin vulna ram dai,Thing lenbuangah sirva te’n zaiin an awi,Zo luitê tui thiang dam te’n a luang cham del,A mawi mang e, pâr tin vulna kan zoram...
JH Hlupuii Sawmfâng hmun nuam chamdêl kârah,Vanrâng chhum hnehin turnipui sensa kan do,Kawltu chawiin sirtiang kan sawn lawm lungrual te,Phaikuam nipui bawmtu khuaifung te nen, Tlang tin pêlin zo nem fimthlî, lo leng leh...
Poetry of the Day
Chhawrthla zan lalnu a lo eng a,
Thangvan luahtu si-ar thla khawngin;
Chhoreivung pawn a zepui a chhuah,
Van ropui mak zia an pho chhuak a.
Boruak ruak zau tak an luah za a,
Zan ropuina chawitu an liam a;
Zing varṭian thiang nuam a lo herin,
Chhun ropui chuan a hun rawn hmang.
Eng petu a lo chhuak turnipui,
Khawvel en a nunna pe turin;
Thim a kiang a khawvar nuamah chuan,
Mawina tin reng ten parfung an chawi.
Thing tin phul hring hnim pangpar an vul,
Hnah chhawl an ṭil a lei ṭha siamin;
Tlang phai chawmtu chhum tui paipawn chuan,
Lei dai hnawm tur khuangruah a sur tir.
Engkim ruatsa khuanu duan reng hian,
Siamtu kut chhuak ropui a lan tir;
Hringmi lei malsawm tinreng vurna,
Kan lei van ram khawvel min siam a.
28.11.24
Activity
