To Create Poetry & To Promote Poetry
Editorial Board:
Volume-7 hi March 21, 2024 khan Dr. H. Laldinmawia, President, MIPOTY chuan PUC Seminar Hall-ah a tlangzarh.
Zaikungthar Vol. 7-ah hian mi hrang hrang 32-in hla 73 an thawh khawm a; heng zingah hian Mizo hla 57, English 12 leh hla lehlin (English to Mizo) 4 a tel. He lehkhabu hi Rs. 200 man niin lehkhabu dawr hrang hrangah lei theih a ni. ISBN No. 978-93-342-3764-1
Poetry of the Day
Chhawrthla zan lalnu a lo eng a,
Thangvan luahtu si-ar thla khawngin;
Chhoreivung pawn a zepui a chhuah,
Van ropui mak zia an pho chhuak a.
Boruak ruak zau tak an luah za a,
Zan ropuina chawitu an liam a;
Zing varṭian thiang nuam a lo herin,
Chhun ropui chuan a hun rawn hmang.
Eng petu a lo chhuak turnipui,
Khawvel en a nunna pe turin;
Thim a kiang a khawvar nuamah chuan,
Mawina tin reng ten parfung an chawi.
Thing tin phul hring hnim pangpar an vul,
Hnah chhawl an ṭil a lei ṭha siamin;
Tlang phai chawmtu chhum tui paipawn chuan,
Lei dai hnawm tur khuangruah a sur tir.
Engkim ruatsa khuanu duan reng hian,
Siamtu kut chhuak ropui a lan tir;
Hringmi lei malsawm tinreng vurna,
Kan lei van ram khawvel min siam a.
28.11.24
Activity
