Mizo Poetry Society

To Create Poetry & To Promote Poetry

Constitution

  1. PAWL HMING : Mizo Poetry Society (MIPOTY)
  2. PAWL HMUNPUI : He pawl hmunpui atan hian Mizoram khawpui Aizawl chu hman a ni ang.
  3. AREA OF OPERATION : All Mizoram (Khawvel hmun hrang hranga Zohnahthlakte a huam ang)
  4. TUM BULPUI (Goal) : Mizo poetry tihhmasawn leh vawrhlar
  5. MEMBERSHIP : He pawl member ni tur hian Mizo hnahthlak, Mizoram chhung leh pawna cheng tu pawh, poetry pakhat tal phuah tawh phawt chu member a ni thei ang.
  6. MEMBERSHIP FEE & SUBSCRIPTION:
    Article 5-in a huam chin ang mite chuan Rs. 200 pein member an ni thei ang.
  7. TERMINATION OR CESSATION OF MEMBERSHIP :
    He pawla member ni tawh, a hnuaia mi ang dinhmuna ding te chu an member nihna hlih sak theih an ni ang.
    (a) Thihna avanga mi a boralin
    (b) Ziaka banna a thehluhin
    (c) Khawtlang leh sorkar do zawnga hma a lakin
    (d) Thubuai nei a, Court-in thiamloh a chantirin
    (e) Pawl inkaihruaina (constitution) kalh leh pawl tihmingchhe zawnga che te chu Executive Committee-in an chungchang a ngaihtuah anga, ban tlak leh ban awm a tih te chu ban theih an ni ang.
  8. RE-ADMISSION :
    Pawl member atanga ban te hian pawla tel an dil nawn leh a nih chuan, an dilna chu Executive Committee thuneihnaah dah a ni ang a, an dinhmun zirchiangin section 7 (b) leh (e)-in a sawi angin Executive Committee-in a pawm chuan lakluh leh theih a ni ang.
  9. REGISTER OF MEMBERS AND FACILITIES :
    Memberte hming, veng/khua, an hnathawh leh eizawnna, member an nih tanni leh thla leh an chawlh/ban ni leh thla leh pawl bungrua leh thil neih zawng zawng ziak lutin Secretary-in register a vawng thlap ang.
  10. GENERAL BODY DEFINED :
    He pawla member zawng zawngte chu General Body tih a ni ang.
  11. MEETINGS :
    A. General Body Meeting: Pawl pumpui inhmuhkhawmna leh inpawlkhawmna lian ber a ni ang a, a tul angin ro an rel thei ang.
    A (1) Notice: General Body Meeting neih hma ni 15 tal la awmah thu thehluh tur neite chuan a hun leh hmun, thurel turte leh thil tul dangte chu memberte hnenah hriattir lawk tur a ni.
    A (2): Kum khatah vawi khat tal meeting hi koh tur a ni a, tul bik thilah chuan General Body Meeting hi kum khatah vawi khat aia tam pawh koh theih a ni ang.
    A (3) : Member zawng zawng hmun thuma thena hmun khat (1/3) an kalkhawm chuan rorel theih (quorum) a ni ang.
    B. Executive Committee Meeting: Pawl thuneitu sang ber a ni ang a, pawl hmalakna tur chhawpchhuaktu leh bawhzuitu a ni bawk ang. Executive Committee Meeting hi Office Bearer ten tul an tih hun apiangah an ko thei ang.
    C. Office Bearer Meeting: Tul bik thilah te, Executive Committee rawn kher ngaih lohna thilah te meeting koh theih a ni ang.
  12. RIGHTS & PRIVILEGES OF MEMBERS :
    Society member zawng zawngte chu
    (a) Meetings, cultural, educational functions leh pawl in thil a tihkhawmna a neih apiangah tel phal an ni ang.
    (b) Society-in a tuk (fee) chawiin ID card an siam thei ang.
  13. DUTIES OF MEMBERS :
    Society member zawng zawngte chu :
    (a) Office Bearer thlannaah an tel ang.
    (b) Meeting leh pawl thiltihna hrang hrangah a kim thei ang berin tel an tum ang.
    (c) Pawl hmasawnna tur leh hmalakna awm thei chite leh pawl tana thu tangkai tur an hriat chuan pawl an hrilh thin ang.
    (d) Pawlin dan leh hrai a zamte chu an zawm ang.
  14. GOVERNING BODY (EXECUTIVE COMMITTEE) :
    (a) Strength : Governing body member chu mi 14 aia tlem lo, mi 20 aia tam lo an ni tur a ni.
    (b) Term: Governing body term khat chu kum 2 a ni ang.
    (c) Notice: Governing body meeting neih a nih dawnin a hma ni sarih (7) a la awm tihin hriattirna memberte pek thin tur a ni a, meeting kohnaah hian thurel tur Agenda tarlan tur a ni.
    (d) Quorum : Executive-ah rorel thei chin chu a zatve (50%) a ni ang.
    (e) Governing body meeting thla ruk danah vawi khat tal neih tum a ni ang.
    (f) Emergent meeting darkar 24 chhung hun pea neih tur a nihin rorel thei chin chu member a zatve (50%) an tling ngei tur a ni bawk.
  15. COMPOSITION OF THE GOVERNING BODY (EXECUTIVE COMMITTEE) :
    A. Office Bearer:
    Pawl kaihruai turin heng chanvo te hi siam a ni ang :
    1. President : Pakhat
    2. Vice President : Pakhat
    3. General Secretary : Pakhat
    4. Asst. General Secretary : Pakhat
    5. Treasurer : Pakhat
    6. Finance Secretary : Pakhat
    7. Executive Member : Mi 8 aia tlem lo, mi 20 aia tam lo
      B. Executive Committee Members:
      Office Bearer thlanchhuahte chuan Executive Committee Member tur mi 14 aia tlem lo, mi 30 aia tam lo an ruat thei ang a, Office Bearer chanvo ni lo, pawl tana pawimawh chanvo leh thuneihna reng reng chu Executive Committee te thu a ni ang.
      C. Appointed Secretary ruat theih dan:
      Office Bearer te chuan EC memberte atangin a tul angin hetiang hian Appointed Secretary an ruat thei ang. Heng mite hi OB meeting-ah pawh an tel thei ang. Appointed Secretary atana post ruat theih te chu —
    1. Secretary i/c Information & Publicity
    2. Secretary i/c Organisation
    3. Secretary i/c Documentation
      D. Sub-Committee siam theih dan:
      He pawl hian a hmalakna tichak tur leh a kutke atan a tul hun apiangah, bithliah zat awm lovin Sub-Committee a siam thei ang a, chu’ng committee te chu Executive Committee-in an hun chhung tur (term) a ruat ang a, a tul angin member tur pawh a ruat thin ang.
      E. Adviser or Patron ruat theih dan:
      He pawl hmalakna tichak tur leh a thiltum te tuipuitu atangin Adviser/Patron tur mi 5 thleng a ruat thei ang.
  16. TERMINATION OF MEMBER OF GOVERNING BODY (EXECUTIVE COMMITTEE):
    Executive Council member tupawh thunun/ban ngai an awm chuan Article 7-in a sawi angin an chungchang ngaihtuah tur a ni ang.
  17. FUNCTIONS AND POWER OF GOVERNING BODY (EXECUTIVE COMMITTEE):
    a) Pawl kalphung leh inrelbawlnaah thuneitu sang ber a ni ang.
    b) General Body Meeting thu ngaihtuah tur chhawpchhuaktu a ni ang.
    c) Pawl tana pawimawh chanvo siam belh leh sub-committee chungchang mawhphurtu a ni ang.
    d) General Body Meeting atanga thu lut leh bawhzui ngaite tihhlawhtlin kawngah mawhphurtu a nih angin, hma a la thin tur a ni.
    e) Office Bearer post chelhtute inkarah harsatna a awm a nih pawhin Executive Council Member ten an chingfel ang.
    f) Pawl hruaitute leh Member te chungah a tul anga thununna lekkawhtu a ni ang.
    g) Pawl kal zel dan tur, a hun leh hmun a zirin a duang thin ang.
    h) Hun tawn a zira eng pawl emaw te nena thawhhona siam a tul a nih chuan Executive Committee kutah dah a ni ang.
    i) Pawl tih tur leh hmalakna a duangchhuakin a bawhzui thin ang.
  18. POWERS AND DUTIES OF OFFICE BEARERS:
    1. President:
      a) Office Bearer Meeting, Executive Committee Meeting leh General Body Meeting te a kaihruai thin ang a, pawl chhiat leh thatah mawh phurtu lu ber a ni ang.
      b) Secretary te chanvo siamremin, mawhphurhna a sem thei ang.
      c) Rokhawlhna eng emaw avanga meeting a tel thei lo a nih chuan Vice President hnenah mawhphurhna a hlan ang.
      d) Tul dang thil avanga station pawn lama a awm dawn a nih chuan ziakin General Secretary hnenah a hriattir thin tur a ni a, station pawna a awm chhung Chairman hna lo thawk tur ruat chungchang chu OB te kuta dah a ni.
    1. Vice President:
      a) A tulna hun leh hmun apiangah President tawiawmtu a nih avangin, thu leh hla inhlanchhawn chungchangah President a thawhpui tha hle tur a ni.
      b) Rokhawlhna avanga President dinhmun luah a lo tul a nih pawhin harsatna an siam tur a ni lo.
    1. General Secretary:
      a) Pawl thuam nghettu pawimawh tak a nih avangin chanchin inhrilhtawnna chungchangah theihtawp a chhuah thin tur a ni.
      b) Secretary dangte kaihhruaina kawngah President hriatpuina in chanvo a siam thin ang.
      c) President nen inrawnin meeting hrang hranga ko thin anga, pawl tana thil chhinchhiah ngai chhinchhiahtu leh a tul anga mi dang dawrtu pawimawh tak a ni ang a, pawl khaikhawmtu pawimawh tak a ni ang.
    1. Assistant General Secretary:
      a) General Secretary leh President chanvo siam ang zelin hna a thawk tur a ni.
      b) Pawl thuam nghettu pawimawh tak a nih avangin chanchin inhrilh tawnna chungchangah theih tawp a chhuah thin tur a ni.
      c) General Secretary nen inpawh takin an thawk tur a ni a, General Secretary awm loh chang emaw, General Secretary remtihna in emaw miting minute a ziak thin ang.
    1. Treasurer:
      a) Pawl sum reng reng Treasurer hnenah a lut hmasa thin tur a ni a, Treasurer hriatpui loh sum te chu pawl sum anga chhiar theih a ni lo vang.
      b) Hunbi neiin pawl sum report a pe thin ang.
      c) Pawl sum reng reng felfai takin a vawng ang a, a tul chuan President leh General Secretary te nen inrawn tlangin Bank Account an hawng ang.
    1. Finance Secretary:
      a) Treasurer sum kawl reng reng uluk takin a chhinchhiah ang a, sum hmuh leh hmanna te pawh Treasurer nen uluk takin an chhinchhiah ang.
      b) Sum kawl leh hman chungchangah Treasurer nen tha takin an thawk dun tur a ni ang.
  19. FILLING UP OF CASUAL VACANCIES:
    Engemaw avanga hun laklawhah pawla nihna bansan an awm a nih chuan a aiawh tur a tul angin Governing Body (Executive Committee)-in a ruat thei ang.
  20. APPEAL:
    Thu rel fel leh fel loh emaw thil lo tih tawh siamthat leh chungchangah emaw thu thlen leh a nih chuan Committee-in a tul angin a ngaihtuah ang a, Governing Body (Executice Committee) thutlukna hi thu tawp a ni ang.
  21. ELECTION:
    a) General Body Meetingah OB turte hi thlan thin an ni ang.
    b) OB tur atan hian EC-in tul a tih zat nomination a siam thei ang
    c) OB thlanna atan hian member ni lai ngei te chuan vote an thlak thei vek ang.
    d) OB tur te hi hetiang hian thlan theih a ni ang —
    (i) Post by post-a thlan emaw
    (ii) OB tur mi 6 thlan chhuah a, anmahni chanvo lo insiamrem leh turin
    e) Post by post-a thlan a nih chuan, vote hmu sang ber (simple majority) apiang te chu tlinga puan tur a ni.
    f) OB tur mi 6 thlan chhuah tawp tur a nih chuan, vote hmuh sang 6 te chu tlinga puan tur an ni.
    g) Mi pakhatin chanvo pakhat aia tam a chelh thei lo vang.
    h) OB thlan thar te hi OB hlui ten inthlan atanga ni 15 chhungin mawhphurhna (charge) an hlan ngei tur a ni.
  22. SOURCE OF INCOME:
    a) Sum hmuhna tura chhawpchhuah te chu Executive Council-in a pawm thin tur a ni a, a tul chuan Fund Raising Committee pawh din theih a ni ang.
    b) Sum hmuhna eng pawh mimal hamthatna leh vantlang ngaiha thianghlim lo chi a ni tur a ni lo.
    c) Programme duan lawk bik (Seminar, Symposium, Workshop etc) atan project/proposal a siam thei ang a, heta tanga sum hmuh te hi a hmanna tur taka hman hnuah a bang a awm chuan, Treasurer Account-ah dah luh tur a ni ang.
    d) Pawl hmalakna tuipui a, tanpuina atana sum thawh duhtute hnen atangin pawlin sum a dawng thei ang.
  23. PROPERTY OF SOCIETY:
    Pawl bungrua reng reng enkawl turin Committee-in property incharge a ruat ang a, bungraw neih ang ang register-ah a ziaklut vek ang.
  24. GIFT:
    Thilthlawn pek reng reng a petu emaw Registrar, Firms and Societies hriatpuina lo chuan tihral leh thil dangah hman theih a ni lo vang.
  25. FINANCIAL YEAR:
    Kumtinin 1st April atanga 31st March chhung hi pawl Financial Year hman a ni ang.
  26. AUDIT:
    Pawl sum chu kumtin Chartered Accountant emaw Registrar, Firms and Societies pawmpui ngei endik (audit) tir thin a ni ang.
  27. MANAGEMENT OF FUNDS & ACCOUNTS OPERATION:
    a) Pawl sum hi Bank Account-ah dah tur a ni a, Rs. 5,000 aia tam Treasurer-in a kutah (cash in hand) a kawl tur a ni lo.
    b) Pawl President leh Treasurer ten Joint Account an hawng thei ang.
    c) Bank atanga sum dah leh lakchhuah reng reng Executive Council hmasa berah report thin tur a ni.
  28. INSPECTIONS OF ACCOUNTS AND OF THE PROCEEDING OF MEETING:
    Member ten EC phalna la hmasain, account bu leh minute bu te a tul a nih chuan an en thei ang.
  29. SUBMISSION OF ANNUAL REPORT/RETURN:
    Kumtinin kum kal meka pawl hruaitute (Governing Body) list te, pawl hmalakna report (Annual Report) President leh General Secretary sign hnan leh Auditor’s report leh Balance Sheet Qualified Auditor audit leh sign hnan ngei Registrar, Firms and Societies-ah Mizoram Societies Registration Act, 2005 section 18-in a phut angin thehluh thin a ni ang.
  30. DISSOLUTION:
    a) Pawl member hmun thuma thena hmun hnih ten rem an tih chauhin pawl tihtawp theih a ni ang.
    b) Pawl tihtawp chungchanga thuneitu sang ber chu General Body Meeting a ni.
    c) Pawl tihtawp a nih chuan Mizoram Societies Registration Act, 2005 hnuaia section 25 & 28-in a sawi angin hmalak tur a ni.
  31. LEGAL PROCEEDINGS:
    Engemaw avangin pawlin thubuai a lo nei a nih chuan President emaw, Secretary emaw, Governing Body-in pawl aiawh tura a ruatten pawl ai an awh thin ang.
  32. AMENDMENT:
    a) Danpui siamtha theitu lu ber chu General Body Meeting a ni a, General Body Meeting member kalte hmun thuma thena hmun hnih te pawmpuina chauha Danpui hi tihdanglam theih a ni ang.
    b) Tul bik thilah chuan Executice Council in danpui tidanglam kher lovin, ruahmanna siamin a zawm thei ang. He ruahmanna siam hi General Body Meeting hmasa berah hman zui tlak a nih chuan, danpui tidanglamin hmanzui theih a ni ang.
    c) General Body Meeting-a tel thei chin te hian Meeting hma ni 15 chhungin danpui siam danglam chungchanga rawtna awm te ziakin an dawng ngei tur a ni.
    d) Memorandum of Association leh pawl dan leh hraite siamthat a tul chuan Mizoram Societies Registration Act, 2005 section 9-in a phut angin hma lak a ni ang.
  33. APPLICATION OF THE ACT:
    He society dan bu (constitution) hi Mizoram Societies Registration Act, 2005 thuneihna hnuaia awm tura siam a ni.

Loading